Asistente Ekzekutive

CCBS po kërkon kandidatë të përshtatshëm në pozicionin e punës: Asistente Ekzekutive.

Qëllimi i punës:

Asistenti Ekzekutiv do të ofrojë mbështetje administrative të nivelit të lartë për CEO, Presidentin dhe GM e kompanisë, duke siguruar koordinimin dhe ekzekutimin e vazhdueshëm të operacioneve të përditshme. Ky rol kërkon aftësi të shkëlqyera organizative, komunikuese dhe për zgjidhjen e problemeve, si dhe aftësinë për të trajtuar informacionin e ndjeshëm me maturi.

Roli dhe përgjegjësitë:

Menaxhimi i kalendarit: Planifikon, organizon dhe menaxhon në mënyrë efikase agjendën e CEO, Presidentit dhe GM, duke koordinuar takimet, emërimet dhe udhëtimet.
Siguron prioritizimin e duhur të aktiviteteve, optimizon përdorimin e kohës dhe bën riprogramime kur është e nevojshme.
Menaxhimi i komunikimit: Vepron si pika kryesore e kontaktit për komunikimet e brendshme dhe të jashtme në emër të CEO, Presidentit dhe GM, duke siguruar korrespondencë në kohë dhe të saktë.
Koordinimi i takimeve: Organizon dhe përgatit materiale për takime, duke përfshirë axhendat, prezantimet dhe procesverbalet.
Merr pjesë në mbledhjet kryesore, mban shënime të detajuara dhe ndjek çështjet për veprim.
Koordinimi i udhëtimeve: Planifikon dhe organizon të gjitha marrëveshjet e udhëtimeve, duke përfshirë fluturimet, akomodimin, transportin dhe itineraret për stafin.
Menaxhimi i dokumenteve: Përgatit, shqyrton dhe redakton raporte, prezantime dhe dokumente të tjera. Siguron që i gjithë dokumentacioni të jetë i saktë dhe i përfunduar brenda afateve.
Konfidencialiteti: Trajton informacionin e ndjeshëm me diskrecion maksimal dhe ruan gjithmonë konfidencialitet të rreptë.
Menaxhimi i projekteve: Asiston në menaxhimin e projekteve speciale, kryerjen e hulumtimeve dhe përgatitjen e raporteve sipas nevojave të CEO, Presidentit dhe GM.
Menaxhimi i Stakeholder: Ndërton dhe mban marrëdhënie me aktorët kryesorë të brendshëm dhe të jashtëm, duke siguruar komunikim dhe bashkëpunim efektiv.
Mbështetja e zyrës: Siguron mbështetje të përgjithshme administrative, duke përfshirë trajtimin e thirrjeve telefonike, e-maileve dhe korrespondencës, si dhe menaxhimin e furnizimeve të zyrës dhe ruajtjen e organizimit brenda zyrës ekzekutive.
Prioritizimi i detyrave: Ndihmon CEO, Presidentin dhe GM në prioritizimin e detyrave dhe menaxhimin efektiv të kohës për të siguruar përmbushjen e afateve kyçe.
Planifikimi i ngjarjeve: Planifikon dhe koordinon ngjarjet e kompanisë, mbledhjet ekzekutive dhe funksione të tjera të korporatës.
Disponueshmëria: Disponueshmëria jashtë orarit standard të punës mund të jetë e nevojshme për çështje urgjente
Menaxhimi i dhuratave: Menaxhimi i përgatitjes dhe shpërndarjes së dhuratave të kompanisë për çdo fundvit, si dhe për çdo rast tjetër

Aftësitë dhe kualifikimet:

Diplomë universitare në Administrim Biznesi, Menaxhim, Shkenca Sociale ose fusha të ngjashme (preferohet, por nuk është e detyrueshme)
Minimumi 5 vite përvojë në rol Asistent Ekzekutiv ose në një pozicion administrativ të ngjashëm, me përvojë në mbështetjen e drejtuesve të nivelit të lartë (C-level).
Aftësi shumë të mira komunikimi, si në të folur ashtu edhe në të shkruar.
Aftësi të shkëlqyera organizative dhe menaxhimi të disa detyrave njëkohësisht (multitasking).
Njohuri shumë të mira në paketën Microsoft Office (Word, Excel, PowerPoint, Outlook) si dhe në programe të tjera relevante.
Aftësi për të punuar në mënyrë të pavarur, me iniciativë dhe qasje proaktive. • Vëmendje e lartë ndaj detajeve dhe standarde të larta saktësie në punë.
Aftësi për të punuar në ambiente dinamike dhe nën presion, duke menaxhuar me efikasitet prioritete të shumta.
Sjellje profesionale, prezantim korrekt dhe aftësi për të bashkëvepruar në mënyrë efektive me drejtues të lartë, klientë dhe palë të ndryshme të interesuara.
Gatishmëri për udhëtime të herëpashershme, sipas nevojave të rolit, në mbështetje të CEO, Presidentit dhe GM.
Njohuri shumë të mira dhe rrjedhshmëri në gjuhën angleze dhe italiane.

Çfarë ofrojmë:

✔ Paketë të mbulimit shëndetësor.
✔ Mundësi reale promovimi dhe zhvillimi të karrierës.
✔ Trajnime të shumta profesionale dhe programe zhvillimi.
✔ Fleksibilitet në organizimin e orarit të punës.
✔ Mundësi për të punuar remote deri në 2 ditë në muaj.
✔ Pagë të 13-të

How to Apply

Të interesuarit mund të aplikojnë duke klikuar në linkun (Karriera CCBS) ose në emailin hr@cocacola.al brenda datës 15/07/2026.

Vetëm kandidatët që plotësojnë kriteret do të kontaktohen

Coca-Cola Bottling Shqiperia sh.p.k promovon Shanset e Barabarta.