Nga themelimi i saj në vitin 1994 deri në ditët e sotme, zbuloni rrugëtimin e CCBS në vendin tonë dhe ndikimin që ka pasur ndër vite.
Coca-Cola Bottling Shqipëria (CCBS), përmes operacioneve të saj, përfaqëson një nga kontribuesit kryesorë në zhvillimin e ekonomisë së Shqipërisë, duke krijuar vlerë të qëndrueshme, duke gjeneruar punësim dhe duke mbështetur në mënyrë aktive komunitetet lokale.
Coca-Cola Bottling Shqipëria u themelua në vitin 1994. Deri në vitin 1997, CCBS u zgjerua duke rritur portofolin e saj të markave me shtimin e markave Fanta dhe Sprite. Pas vitit 1997, CCBS riinveston në linja të reja prodhimi, duke forcuar kapacitetet e saj prodhuese dhe operacionale.
Coca-Cola Bottling Shqipëria është e vetmja kompani e autorizuar përgjegjëse për prodhimin, shpërndarjen dhe shitjen e portofolit të produkteve të pijeve të The Coca-Cola Company.
CCBS synon të bëhet kompania e parë “Carbon- Neutral” në Shqipëri deri në vitin 2030.
Matja dhe racionalizimi i burimeve ujore dhe energjetike përmes veprimeve të qarta të përcaktuara në një udhërrëfyes. Bëhen investime për vetëprodhim të energjisë nga burime të rinovueshme, duke ricikluar pothuajse 100% të mbetjeve tona të prodhimit në fabrikë.
