CCBS po kërkon kandidatë të përshtatshëm për pozicionin e punës: Brand Manager UFT (Uji i Ftohtë Tepelene)

Brand Manager është përgjegjës për menaxhimin strategjik dhe zhvillimin e markës, duke vepruar me mendësi sipërmarrëse për të maksimizuar performancën, pozicionimin në treg dhe rritjen e qëndrueshme të biznesit të markës.

Roli dhe Përgjegjësitë

• Të kuptojë konsumatorët lokalë dhe konkurrencën për të zhvilluar strategji dhe plane rritjeje për maksimizimin e performancës së markës.
• Të jetë përgjegjës për planin marketing dhe kalendarin e aktiviteteve të markës, duke garantuar cilësi dhe ekselencë në ekzekutim.
• Të hartojë dhe drejtojë planin e komunikimit për mbështetjen e të gjitha markave.
• Të zhvillojë platforma komunikimi të përshtatshme për tregun lokal.
• Të kuptojë nevojat kryesore të klientëve në çdo kanal, strategjitë konkurruese dhe kapacitetet e sistemit për të identifikuar mundësi dhe prioritete biznesi.
• Të analizojë pozicionimin e çmimeve në të gjitha kanalet për të fituar pjesë tregu bazuar në pozicionimin e markës.
• Të kryejë analiza biznesi për të ofruar një pasqyrë të qartë të performancës aktuale.
• Të mbështesë zhvillimin e propozimeve të markës në nivel lokal dhe përmirësimin e arkitekturës/dizajnit të markës për të siguruar rritje dhe përfitueshmëri të qëndrueshme.

Aftësitë dhe Kualifikimet

• Diplomë universitare në Marketing, Ekonomi ose Administrim Biznesi.
• Mbi 4 vite eksperiencë në marketing.
• Minimumi 2 vite eksperiencë në industrinë FMCG, preferohet në kompani pijesh.
• Aftësi të forta për krijimin e një vizioni fitues në një mjedis ku ka fokus të lartë në tregti, promovim, shitje dhe partneritete.
• Aftësi shumë të mira komunikimi verbal dhe me shkrim, me orientim drejt punës në grup.
• Njohuri shumë të mira të gjuhës angleze (njohja e italishtes përbën avantazh).
• Njohuri të mira të paketës Microsoft Office.

Çfarë ofrojmë:

✔ Makinë në përdorim për realizimin e detyrave të punës.
✔ Paketë të mbulimit shëndetësor.
✔ Mundësi reale promovimi dhe zhvillimi të karrierës.
✔ Trajnime të shumta profesionale dhe programe zhvillimi.
✔ Fleksibilitet në organizimin e orarit të punës.
✔ Mundësi për të punuar remote deri në 2 ditë në muaj.
✔ Pagë të 13-të

Të interesuarit mund të aplikojnë duke klikuar në linkun (Karriera CCBS) ose duke dërguar CV në hr@cocacola.al brenda datës 15/07/2026.

Vetëm kandidatët që plotësojnë kriteret do të kontaktohen.

Coca-Cola Bottling Shqipëria sh.p.k promovon Shanset e Barabarta.