Ekipet tregtare të CCBS dhe UFT u mblodhën gjatë muajit tetor në takimin tremujor të shitjeve për të analizuar ecurinë e deritanishme dhe për të përcaktuar prioritetet për tremujorin e fundit të vitit 2026.

Takimi nisi me një pasqyrë të rezultateve të shitjeve nga fillimi i vitit, e më pas vijoi me prezantimet e menaxherëve rajonalë mbi performancën sipas zonave. Diskutimet u përqendruan tek arritjet, sfidat dhe mundësitë për të forcuar më tej praninë në treg.

Në qendër të takimit ishte bashkërendimi i ekipeve për të mbështetur punën në terren dhe për të realizuar objektivat e fundvitit.

Në përfundim, Luca Busi, President i CCBS, përgëzoi të gjithë për arritjet e deritanishme.