CCBS po kërkon kandidatë të përshtatshëm për pozicionin:

Graphic Designer

Qëllimi i punës

Graphic Designer është përgjegjës për konceptimin, dizenjimin dhe prodhimin e materialeve të komunikimit vizual dhe marketingut, duke siguruar që të gjitha materialet të jenë në përputhje me identitetin e markës dhe standardet e kompanisë. Roli përfshin zhvillimin e materialeve të printuara dhe digjitale për marketing, komunikim korporativ, pikat e shitjes dhe platformat online.

Roli dhe përgjegjësitë

• Koncepton, dizenjon dhe prodhon materiale marketingu dhe komunikimi, duke përfshirë broshura, katalogë, reklama të printuara, postera, fletëpalosje, prezantime PowerPoint, materiale promocionale, etiketa, materiale për pikat e shitjes dhe përmbajtje për faqet e internetit.
• Zhvillon koncepte kreative dhe layout-e grafike, duke përzgjedhur fotografi, tipografi dhe elemente vizuale në përputhje me standardet e markës, si dhe kryen përditësime sipas nevojës.
• Ofron mbështetje krijuese për zhvillimin, përmirësimin dhe ridizenjimin e materialeve dhe etiketave sipas standardeve të kompanisë.
• Vlerëson kohën e nevojshme për realizimin e projekteve dhe siguron dorëzimin e tyre brenda afateve.
• Mbledh, organizon dhe përpunon materiale nga burime të ndryshme, duke formatuar dhe përditësuar dokumente në formate të ndryshme (Word, Excel, Adobe Acrobat dhe materiale fizike).
• Punon me një gamë të gjerë mediash, përfshirë fotografinë dhe programet e dizajnit grafik (CAD).
• Përgatit skica dhe ilustrime konceptuale për prezantimin e ideve kreative.
• Qëndron i përditësuar me teknologjitë dhe trendet më të fundit të dizajnit grafik dhe mediave digjitale.

Aftësitë dhe kualifikimet

• Diplomë universitare ose kualifikim profesional në Dizajn Grafik ose fusha të ngjashme.
• Minimumi 5 vite përvojë në reklamim dhe/ose dizajn grafik.
• Aftësi shumë të mira komunikimi dhe prezantimi, me aftësi për të mbrojtur zgjidhjet kreative duke përmbushur objektivat e biznesit.
• Aftësi për të punuar nën presion, në ekip dhe me fleksibilitet.
• Vëmendje e lartë ndaj detajeve dhe aftësi për të respektuar afate të ngushta.
• Njohuri të avancuara të paketës Adobe Creative Suite.
• Përvojë në përgatitjen e materialeve për prepress.
• Njohuri shumë të mira kompjuterike dhe të paketës Microsoft Office.
• Njohuri të mira të gjuhës angleze; njohja e italishtes përbën avantazh.

Çfarë ofrojmë

✔ Paketë të mbulimit shëndetësor.
✔ Mundësi reale promovimi dhe zhvillimi të karrierës.
✔ Trajnime të shumta profesionale dhe programe zhvillimi.
✔ Fleksibilitet në organizimin e orarit të punës.
✔ Mundësi për të punuar remote deri në 2 ditë në muaj.
✔ Pagë të 13-të.

Si të aplikoni

Të interesuarit mund të aplikojnë duke klikuar në linkun Karriera CCBS ose duke dërguar CV-në në adresën hr@cocacola.al brenda datës 15/07/2026.

Vetëm kandidatët që plotësojnë kriteret do të kontaktohen.

Coca-Cola Bottling Shqipëria sh.p.k. promovon Shanset e Barabarta.