Në CCBS, cilësia, siguria dhe përgjegjshmëria udhëheqin çdo hap të operacioneve tona. Sistemet tona të integruara të menaxhimit janë të certifikuara sipas standardeve të njohura ndërkombëtarisht, duke garantuar ekselencë në cilësi, siguri ushqimore, siguri të informacionit, efikasitet energjetik, menaxhim mjedisor dhe shëndet e siguri në punë.
Nga përzgjedhja e kujdesshme e furnitorëve dhe lëndëve të para deri te prodhimi, shpërndarja dhe mbrojtja e të dhënave, çdo proces është i strukturuar, i monitoruar dhe i përmirësuar vazhdimisht. Këto certifikime pasqyrojnë angazhimin tonë për të prodhuar pije të sigurta dhe me cilësi të lartë, për të mbrojtur njerëzit tanë dhe mjedisin, si dhe për të operuar me efikasitet dhe transparencë.
Në përputhje me standardet e “The Coca-Cola Company” dhe praktikat më të mira globale, sistemet tona të certifikuara sigurojnë përputhshmëri me rregulloret ndërkombëtare, duke krijuar njëkohësisht vlerë të qëndrueshme për konsumatorët, punonjësit, partnerët dhe komunitetet që ne shërbejmë.
Ne jemi të certifikuar sipas ISO 9001, standardi ndërkombëtar për sistemet e menaxhimit të cilësisë, duke demonstruar angazhimin tonë për cilësi të qëndrueshme të produktit, kënaqësi të klientit dhe përmirësim të vazhdueshëm. Standardi siguron që proceset tona janë të përcaktuara qartë, të kontrolluara dhe të monitoruara vazhdimisht për të përmbushur kërkesat e klientëve, ligjore dhe të sistemit Coca-Cola. Përmes monitorimit të strukturuar të performancës dhe veprimeve korrigjuese, ne ruajmë ekselencën operacionale.
Me krenari, jemi të certifikuar sipas FSSC 22000 Versioni 6, një skemë globale e njohur e sigurisë ushqimore e harmonizuar me kërkesat ISO dhe GFSI. Ky certifikim demonstron angazhimin tonë të fortë për prodhimin e pijeve të sigurta, në përputhje me ligjin dhe me cilësi të lartë, si dhe për përmbushjen e të gjitha pritshmërive të TCCC për Cilësinë dhe Sigurinë Ushqimore. Sistemi ynë integron kontrolle rigoroze, një qasje të bazuar në analizen e riskut, duke përfshirë programe të forta paraprake (PRP), HACCP, kontrollin e furnitorëve, mbrojtjen e ushqimit dhe parandalimin e mashtrimit ushqimor, monitorimin mjedisor dhe një kulturë të fortë të sigurisë ushqimore dhe cilësisë.
Ne jemi të certifikuar sipas ISO 27001, standardi ndërkombëtar për menaxhimin e sigurisë së informacionit, duke garantuar konfidencialitetin, integritetin dhe disponueshmërinë e informacionit. Rreziqet e sigurisë së informacionit identifikohen dhe menaxhohen përmes kontrolleve të strukturuara që mbulojnë njerëzit, proceset dhe teknologjinë. Sistemi mbron të dhënat e ndjeshme të biznesit, operacionale dhe të palëve të interest, në përputhje me kërkesat ligjore dhe korporative.
Ne jemi të certifikuar sipas ISO 50001, duke demonstruar angazhimin tonë për përdorim efikas të energjisë dhe përmirësim të vazhdueshëm të performancës energjetike. Ky standard siguron monitorim, analizë dhe optimizim të strukturuar të konsumit të energjisë në të gjithë operacionet tona. Objektivat energjetike, planet e veprimit dhe treguesit e performancës përcaktohen duke përdorur një qasje të bazuar në të dhëna dhe në analizën e riskut.
CCBS mban me krenari UNI EN ISO 14001:2015, duke demonstruar angazhimin tonë të fortë për menaxhim të përgjegjshëm mjedisor. Ne punojmë vazhdimisht për të reduktuar emetimet, për të optimizuar përdorimin e burimeve, për të mbrojtur ujin dhe për të minimizuar mbetjet në të gjithë operacionet tona. Objektivat tona mjedisore monitorohen nga afër për të siguruar përmirësim të vazhdueshëm dhe përputhshmëri të plotë me kërkesat ligjore, standardet e TCCC dhe politikat e brendshme të qëndrueshmërisë.
Certifikimi ynë ISO 45001 demonstron përkushtimin tonë për të garantuar një mjedis pune të sigurt dhe të shëndetshëm për të gjithë punonjësit. Ai ofron një kornizë të strukturuar për identifikimin e rreziqeve, parandalimin e incidenteve dhe promovimin e një kulture të fortë sigurie. Përmes kontrollit proaktiv të rreziqeve dhe trajnimit të vazhdueshëm, ne mbrojmë fuqinë tonë punëtore dhe forcojmë besueshmërinë operacionale. Ky standard siguron përputhshmëri me rregulloret e sigurisë në punë dhe praktikat më të mira globale. Ai përforcon bindjen tonë se siguria e punonjësve është prioritet kryesor.
Sistemi ynë i integruar i menaxhimit pasqyron angazhimin tonë të vazhdueshëm për cilësi, siguri, mbrojtje dhe qëndrueshmëri në çdo fazë të operacioneve tona dhe përgjatë gjithë zinxhirit të furnizimit. Ai qëndron si një garanci e ekselencës për partnerët, klientët dhe konsumatorët tanë.
Coca-Cola Bottling Shqipëria
Rruga Kombëtare Tiranë-Durrës,
Km 5, Kashar, Tirana, Albania
