Coca-Cola Bottling Shqipëria sh.p.k (CCBS) është kompani lider në tregun Shqiptar të pijeve freskuese jo alkoolike me marka më të njohura ndërkombëtare.

Tek CCBS, ne jemi të bindur për rritjen e biznesit tonë, për kontributin në komunitetet lokale dhe në zhvillimin e burimeve njerëzore me anë të aftësive të forta organizative dhe me njerëzit e duhur në vëndin e duhur.

CCBS po kërkon kandidatë të përshtatshëm në pozicionin e punës: Brand Manager

Menaxhon klientët e rinj në zonë dhe i raporton ato në përputhje me procedurat e kompanisë. Respekton dhe mban të gjitha pajisjet e kompanisë dhe pasuritë dhe njofton në kohë për çdo dëmtim ose ndryshim ose aktivitet që vë në rrezik dëmtimin ose humbjen e tyre. Pajisjet që përdoren për të kryer këtë punë janë: Laptop, makinë, materiale promovuese (Postera, etiketa çmimeve, rafte, frigoriferë etj).

Roli dhe përgjegjësitë:

• Arritja e objektivave cilësore dhe sasiore mujore për zonën e caktuar.
• Menaxhimi i shumëllojshmërisë së produkteve dhe sigurimi i shpërndarjes sipas fotografisë së suksesit për kanal/segment.
• Planifikimi i rutave ditore për grupin e shitjeve për të maksimizuar efikasitetin dhe reduktuar kohën e udhëtimit.
• Monitorimi dhe vendosja e materialeve promovuese në përputhje me standardet e kompanisë.
• Sigurimi i dokumentacionit të përditësuar dhe raportimi sipas procedurave.
• Mbikëqyrja dhe mirëmbajtja e aseteve të kompanisë për të siguruar profitabilitet afatgjatë.
• Sigurimi i shërbimit cilësor në pikat e shitjes për të përmbushur objektivat e biznesit.
• Kuptimi i analizave financiare (fitime, marzhe, ndikimi i produkteve/fushatave).
• Zhvillimi dhe mirëmbajtja e marrëdhënieve me klientët për ndikim në
• vendimmarrje.
• Trajtimi i performancës së dobët përmes veprimeve korrigjuese dhe mbështetja e
• përmirësimit të vazhdueshëm.
• Menaxhimi i ekipit duke caktuar objektiva SMART dhe deleguar detyrat në mënyrë efektive.
• Identifikimi dhe zhvillimi i nevojave për trajnim për ekipin përmes dialogut dhe analizave.
• Mbikëqyrja e standardeve operacionale dhe zbatimi i tyre nga distributorët dhe ekipi i shitjeve.
• Monitorimi i funksionimit të distributorëve për përputhshmëri me udhëzimet e kompanisë.
• Raportimi i shpejtë i parregullsive dhe pjesëmarrja në takimet periodike të shitjeve.

Aftësitë dhe kualifikimet:

• Arsim i lartë. Diplomë universitare në degët e Fakultetit Ekonomik përbën avantazh.
•  Min 3 vjet eksperiencë pune në pozicione të ngjashme.
• Të ketë aftësi të mira drejtuese, udhëheqëse dhe motivuese.
• Aftësi analitike dhe koordinuese.
• Njohuri të gjuhës Angleze ose Italiane.
• Njohuri të programeve MSOffice, me përparësi excel.
• Patentë makinë kategoria B

Të interesuarit mund te aplikojne duke klikuar ne linkun (Karriera CCBS) brenda dates 30/06/2025.

Vetëm kandidatët që plotësojnë kriteret do të kontaktohen.

Coca-Cola Bottling Shqiperia sh.p.k promovon Shanset e Barabarta.

Të nderuar aplikantë: Nëse na drejtoheni përmes e-mail për të derguar CV-në tuaj me qëllim aplikimin për pozicione të reja pune pranë CCBS, jeni të lutur të shtoni në CV-në ose e-mailin tuaj deklaratën e mëposhtme:

“Jap pëlqimin dhe autorizoj CCBS të përpunojë të dhënat e mia personale të pranishme në CV në përputhje me Ligjin 9887, datë 10.03.2008 "Për Mbrojtjen e të Dhënave Personale, i ndryshuar, me qëllim rekrutimi”.

Ju bëjmë me dije se në mungesë të këtij autorizimi, aplikimi Juaj nuk do të merret në konsideratë, por do të skualifikohet dhe fshihet menjëherë.Nëse keni pyetje në lidhje me këtë Autorizimin ose dëshironi informata shtesë në lidhje me mënyrën e mbrojtjes së të dhënave tuaja personale, mund të kontaktoni personin përgjegjës pranë CCBS në numrin e telefonit 0682019291.CCBS informon kandidatët se të dhënat personale të mbledhura përmes portalit online njoftime.com, për pozicione të lira pune, se të dhënat e tyre personale të pranishme në CV, do të trajtohen në përputhje me Ligjin 9887, datë 10.03.2008 “Për Mbrojtjen e të Dhënave Personale, i ndryshuar”;CCBS do të ruajë në mënyrë konfidenciale dhe nuk do të tranferojë CV-të e kandidatëve që aplikojnë për pozicione të lira tek ndonjë palë e tretë ose të përdorë për ndonjë qëllim tjetër përveç atij të rekrutimit. Në rast se kandidatët nuk do të përzgjidhen për intervistë, CV-të e dërguara prej tyre do të fshihen dhe shkatërrohen sipas ligjit në fuqi, maksimumi 5 ditë pune nga data e mbylljes së njoftimit, duke mos lejuar humbjen, ndryshimin, përhapjen e pa-autorizuar ose ndërhyrjen te të dhënat personale të transmetuara, ruajtura apo përpunuara. CCBS do të përpunojë të dhënat personale vetëm në masën dhe mënyrën e nevojshme që përcaktojnë kërkesat e punës, ose në përputhje me kërkesat e parashikuara nga legjislacioni Shqiptar.CCBS mbron të dhënat tuaja personale me teknologji më bashkëkohore të IT-së dhe me sisteme të mbrojtjes fizike. Në përputhje me kuadrin ligjor ne fuqi, Kandidati gëzon të drejtën që në çdo moment, nëpërmjet një kërkese pranë CCBS në adresën hr@cocacola.al, Ju keni të drejtë që të aksesoni këto të dhena si dhe të kërkoni fshirjen apo korrigjimin e tyre. Tërheqja e pëlqimit nuk ndikon në ligjshmërinë e përpunimit, i cili është bazuar në pëlqimin e dhënë me dërdimin e CV-së pranë CCBS përpara tërheqjes së tij.