Arboretum, Liqeni Artificial i Tiranës
Në kuadër të ri-gjelbërimit të Parkut Artificial të Liqenit të Tiranës dhe me ratsin e vitit të 60-të të këtij Parku, CCBS investoi në projektin e parë Arboretum në Shqipëri, duke bërë të mundur identifikimin e llojit dhe vjetërsisë së pemëve të mbjella në këtë hapësirë të gjelbër. Për më tepër përmes aplikacionit “Tirana Ime Outdoor” të gjithë mund të shkarkojnë informacionin e duhur mbi bimësinë në këtë park.
Kryebashkiaku Z. Veliaj, përgëzoi projektin e pajisjes së pemëve të parkut me të dhëna të arritshme përmes teknologjisë dhe tha se puna e kryer me Liqenin e Tiranës është garancia më e mirë që Kopshti Botanik gjithashtu do të shndërrohet në një hapësirë po aq të bukur dhe të pasur të bimësisë. “Shenjat që kemi vendosur janë të kuptojmë llojin e pemëve, çfarë rritet në park, biodiversitetin që ka. Për të gjithë ata që shqetësohen për Kopshtin Botanik, dua të them se ka disa hapësira në liqen sot që janë të një standardi shumë më të lartë se vetë Kopshti Botanik, të cilat kanë më shumë sinjalistikë, më shumë pastërti, më shumë akses për publikun. Kushdo që shqetësohet se si do të jetë Kopshti Botanik mund të vijë të shohë liqenin, për të kuptuar që edhe ai mund të kthehet në një xhevahir të vërtetë”. – tha Veliaj.
Në kuadër të këtij projekti, CCBS gjithashtu ofroi një automjet ekologjik për flotën e automjeteve pastruese në parkun e Liqenit Artificial.
Bashkia e Tiranës, me mbështetjen e “Coca-Cola Bottling Shqipëria”, po vazhdon të modernizojë mjetet e pastrimit me makina ekologjike, si dhe sigurimin e për çdo bimë të vetme në park informacion mbi llojin e pemës, moshën, origjinën, informacionin që mund të merret lehtësisht nga përdoruesit e parkut, fëmijët, prindërit, studentët e shkollës dhe entuziastët e botanikës. E gjithë kjo është e mjaftueshme për të shkarkuar aplikacionin “Arboretum” në telefonin tuaj celular.
