Coca-Cola Bottling Shqipëria sh.p.k (CCBS) është kompani lider në tregun Shqiptar të pijeve freskuese jo alkoolike me marka më të njohura ndërkombëtare.

Tek CCBS, ne jemi të bindur për rritjen e biznesit tonë, për kontributin në komunitetet lokale dhe në zhvillimin e burimeve njerëzore me anë të aftësive të forta organizative dhe me njerëzit e duhur në vëndin e duhur.

CCBS po kërkon kandidatë të përshtatshëm në pozicionin e punës: Kontabilist i llogarive të arkëtueshme           

Qëllimi i punës:

Kontrolli dhe emetimi i faturave te shitjes dhe raportet qe lidhen me to si libri i shitjes, statistikat ditore te shitjes, situate e klienteve etj.

Roli dhe përgjegjësitë:

• Emetimi i faturave të shitjes në sistem dhe TVSH, në bazë të porosive të shitjes dhe fletë-daljes së magazinës.
• Regjistrimi i arkëtimeve nga klientët, në kohë reale në sistem.
• Emetimi i faturave për shitje të shërbimeve, aseteve, të paketimeve të përdorura etj., që nuk lidhen me porosi shitje produkti, si edhe i faturave “note krediti” sipas kontratave me klientët.
• Përgatit statistikat e shitjes ditore, bazuar në faturimet ditore të shitjes.
• Përgatit raportin ditor dhe javor për detyrimet e klientëve.
• Përpunon të dhënat për përgatitjen e faturave të rimbursimit.
• Përgatit regjistrin e shitjes ditor dhe Librin e Shitjeve mujor, sipas formatit të Drejtorisë së Tatimeve.
• Njofton klientët për detyrimet dhe pagesat që duhet të kryejnë.
• Arkivon të gjitha dokumentet e duhura në mënyrë periodike në arkivin e përgjithshëm.
• Përgatit faturat elektronike për materialet e marketingut dhe pajisjet ftohëse.

Aftësitë dhe kualifikimet:

• Diplomë universitare në Financë/Kontabilitet.
• Minimumi 1 vit përvojë pune me regjistrimet kontabël të magazinës.
• Aftësi shumë të mira komunikuese, si me shkrim ashtu edhe verbale.
• Aftësi për të punuar në mënyrë të pavarur dhe me shumë përpikëri.
• Aftësi të mira në MS Office, veçanërisht në MS Excel.
• Njohuri të mira të gjuhës angleze. Gjuha italiane përbën avantazh.).

Të interesuarit mund të aplikojnë duke klikuar në linkun (Karriera CCBS)  ose duke dërguar CV në hr@cocacola.al brenda datës 20/12/2025.

Vetëm kandidatët që plotësojnë kriteret do të kontaktohen.

Coca-Cola Bottling Shqiperia sh.p.k promovon Shanset e Barabarta.

Të nderuar aplikantë: Nëse na drejtoheni përmes e-mail për të derguar CV-në tuaj me qëllim aplikimin për pozicione të reja pune pranë CCBS, jeni të lutur të shtoni në CV-në ose e-mailin tuaj deklaratën e mëposhtme:

“Jap pëlqimin dhe autorizoj CCBS të përpunojë të dhënat e mia personale të pranishme në CV në përputhje me Ligjin 9887, datë 10.03.2008 "Për Mbrojtjen e të Dhënave Personale, i ndryshuar, me qëllim rekrutimi”.

Ju bëjmë me dije se në mungesë të këtij autorizimi, aplikimi Juaj nuk do të merret në konsideratë, por do të skualifikohet dhe fshihet menjëherë.Nëse keni pyetje në lidhje me këtë Autorizimin ose dëshironi informata shtesë në lidhje me mënyrën e mbrojtjes së të dhënave tuaja personale, mund të kontaktoni personin përgjegjës pranë CCBS në numrin e telefonit 0682019291.CCBS informon kandidatët se të dhënat personale të mbledhura përmes portalit online njoftime.com, për pozicione të lira pune, se të dhënat e tyre personale të pranishme në CV, do të trajtohen në përputhje me Ligjin 9887, datë 10.03.2008 “Për Mbrojtjen e të Dhënave Personale, i ndryshuar”;CCBS do të ruajë në mënyrë konfidenciale dhe nuk do të tranferojë CV-të e kandidatëve që aplikojnë për pozicione të lira tek ndonjë palë e tretë ose të përdorë për ndonjë qëllim tjetër përveç atij të rekrutimit. Në rast se kandidatët nuk do të përzgjidhen për intervistë, CV-të e dërguara prej tyre do të fshihen dhe shkatërrohen sipas ligjit në fuqi, maksimumi 5 ditë pune nga data e mbylljes së njoftimit, duke mos lejuar humbjen, ndryshimin, përhapjen e pa-autorizuar ose ndërhyrjen te të dhënat personale të transmetuara, ruajtura apo përpunuara. CCBS do të përpunojë të dhënat personale vetëm në masën dhe mënyrën e nevojshme që përcaktojnë kërkesat e punës, ose në përputhje me kërkesat e parashikuara nga legjislacioni Shqiptar.CCBS mbron të dhënat tuaja personale me teknologji më bashkëkohore të IT-së dhe me sisteme të mbrojtjes fizike. Në përputhje me kuadrin ligjor ne fuqi, Kandidati gëzon të drejtën që në çdo moment, nëpërmjet një kërkese pranë CCBS në adresën hr@cocacola.al, Ju keni të drejtë që të aksesoni këto të dhena si dhe të kërkoni fshirjen apo korrigjimin e tyre. Tërheqja e pëlqimit nuk ndikon në ligjshmërinë e përpunimit, i cili është bazuar në pëlqimin e dhënë me dërdimin e CV-së pranë CCBS përpara tërheqjes së tij.