Coca-Cola Bottling Shqipëria sh.p.k (CCBS) është kompani lider në tregun Shqiptar të pijeve freskuese jo alkoolike me marka më të njohura ndërkombëtare.

Tek CCBS, ne jemi të bindur për rritjen e biznesit tonë, për kontributin në komunitetet lokale dhe në zhvillimin e burimeve njerëzore me anë të aftësive të forta organizative dhe me njerëzit e duhur në vëndin e duhur.

CCBS po kërkon kandidatë të përshtatshëm në pozicionin e punës: Junior Legal

Qëllimi i punës:

Të mbështesë departamentin komercial në menaxhimin e kontratave, duke siguruar përgatitjen dhe ndjekjen e tyre në përputhje me proceset dhe politikat e brendshme të kompanisë. Ky rol kontribuon në reduktimin e riskut ligjor dhe operativ, duke lehtësuar punën e forcës shitese dhe ate te ekipit të marketingut.

 

Roli dhe përgjegjësitë:

 

• Përgatitja, organizimi dhe arkivimi i kontratave të komerciale.
• Ndjekja e zbatimit dhe afateve të kontratave për të siguruar përputhshmërinë me proceset dhe politikën e kompanisë dhe fillimin ne kohe te negociatave per rinovim.
• Koordinimi me departamentet përkatëse si Forca Shitese, Marketingu, Financa dhe Zyra Ligjore për një ekzekutim të qetë dhe të saktë të kontratave.
• Mbështetja në përgatitjen e dokumenteve ligjore dhe komerciale sipas nevojës.
• Ndihma në përditësimin e politikave dhe procedurave të kontraktimit për të përmirësuar proceset.
• Komunikimi efektiv dhe bashkëpunimi me ekipet përkatëse për të adresuar çështjet e kontratave dhe riskun ligjor e tregtar.
• Mbajtja e një sistemi të organizuar të dokumentacionit për kontratat e kompanisë per te lehtesuar fillimin e negociatave ne kohe.

 

Aftësitë dhe kualifikimet:

 

• Diplomë universitare, përparësi në Drejtësi, Administrim Biznesi ose fusha të lidhura.
• Eksperiencë fillestare ose e kufizuar në menaxhimin e kontratave juridike ose komerciale (preferohet).
• Njohuri të mira në ligjin tregtar dhe procedurat kontraktuale.
• Aftësi të mira organizative dhe menaxhimin e kohës.
• Aftësi të shkëlqyera komunikimi dhe bashkëpunimi me ekipe të ndryshme.
• Njohuri të mira të paketës Microsoft Office (Word, Excel).
• Njohuri te mira në gjuhën angleze.
• Kujdes dhe vëmendje ndaj detajeve.

 

Kompetencat Funksionale:

 

• Menaxhimi i kontratave: Përgatitja dhe ndjekja e dokumenteve me saktësi dhe në kohë
• Bashkëpunimi ndërdepartamental: Koordinim i mirë me Shitjet, Financen, Marketingun dhe Zyren Juridike.
• Aftësi organizative: Menaxhimi dhe arkivimi i dokumentacionit në mënyrë sistematike.
• Komunikim efektiv: Aftësi për të komunikuar qartë dhe për të dhënë informacion të saktë.

 

Të interesuarit mund të aplikojnë duke klikuar në linkun (Karriera CCBS)  ose duke dërguar CV në hr@cocacola.al brenda datës 20/12/2025.

 

Vetëm kandidatët që plotësojnë kriteret do të kontaktohen.

Coca-Cola Bottling Shqiperia sh.p.k promovon Shanset e Barabarta.

 

Të nderuar aplikantë: Nëse na drejtoheni përmes e-mail për të derguar CV-në tuaj me qëllim aplikimin për pozicione të reja pune pranë CCBS, jeni të lutur të shtoni në CV-në ose e-mailin tuaj deklaratën e mëposhtme:

“Jap pëlqimin dhe autorizoj CCBS të përpunojë të dhënat e mia personale të pranishme në CV në përputhje me Ligjin 9887, datë 10.03.2008 "Për Mbrojtjen e të Dhënave Personale, i ndryshuar, me qëllim rekrutimi”.

Ju bëjmë me dije se në mungesë të këtij autorizimi, aplikimi Juaj nuk do të merret në konsideratë, por do të skualifikohet dhe fshihet menjëherë.Nëse keni pyetje në lidhje me këtë Autorizimin ose dëshironi informata shtesë në lidhje me mënyrën e mbrojtjes së të dhënave tuaja personale, mund të kontaktoni personin përgjegjës pranë CCBS në numrin e telefonit 0682019291.CCBS informon kandidatët se të dhënat personale të mbledhura përmes portalit online njoftime.com, për pozicione të lira pune, se të dhënat e tyre personale të pranishme në CV, do të trajtohen në përputhje me Ligjin 9887, datë 10.03.2008 “Për Mbrojtjen e të Dhënave Personale, i ndryshuar”;CCBS do të ruajë në mënyrë konfidenciale dhe nuk do të tranferojë CV-të e kandidatëve që aplikojnë për pozicione të lira tek ndonjë palë e tretë ose të përdorë për ndonjë qëllim tjetër përveç atij të rekrutimit. Në rast se kandidatët nuk do të përzgjidhen për intervistë, CV-të e dërguara prej tyre do të fshihen dhe shkatërrohen sipas ligjit në fuqi, maksimumi 5 ditë pune nga data e mbylljes së njoftimit, duke mos lejuar humbjen, ndryshimin, përhapjen e pa-autorizuar ose ndërhyrjen te të dhënat personale të transmetuara, ruajtura apo përpunuara. CCBS do të përpunojë të dhënat personale vetëm në masën dhe mënyrën e nevojshme që përcaktojnë kërkesat e punës, ose në përputhje me kërkesat e parashikuara nga legjislacioni Shqiptar.CCBS mbron të dhënat tuaja personale me teknologji më bashkëkohore të IT-së dhe me sisteme të mbrojtjes fizike. Në përputhje me kuadrin ligjor ne fuqi, Kandidati gëzon të drejtën që në çdo moment, nëpërmjet një kërkese pranë CCBS në adresën hr@cocacola.al, Ju keni të drejtë që të aksesoni këto të dhena si dhe të kërkoni fshirjen apo korrigjimin e tyre. Tërheqja e pëlqimit nuk ndikon në ligjshmërinë e përpunimit, i cili është bazuar në pëlqimin e dhënë me dërdimin e CV-së pranë CCBS përpara tërheqjes së tij.